Saur pun guru mah, Aya kakait anu kacida pageuhna antara elmu jeung amal teh. Duanana teu bisa dipisahkeun deui. Aya istilah "ilmu'amaliyah,"amal'ilmiyah". Lamun boga elmu kudu diamalkeun,jeung lamun ngalakukeunna amal teh kudu apal Kana elmuna. Jeung hiji deui anu kudu jadi cekelan teh nyaeta amal tanpa elmu eta bohong, terus lamun elmu tanpa amal ibarat tangkal anu teu buahan.
Teu sakabeh elmu pangaweruh bisa di sebut elmu, sabab elmu mangrupa pangaweruh anu cara menangkeunna teh kudu nyumponan sarat-sarat kalawan ngagunakeun metode ilmiah. Elmu mimitina tina pangalaman manusa jeung rengse dina wates pangalaman manusa. Dina masarakat sunda,aya anu istilah Pamali,Iga,Cacandran,jeung kila-kila pikeun sawatara elmu pangaweruh masarakat jaman harita.
Jadi,anu ngaranna elmu reujeung amal teh kacida pentingna pikeun sakumna jalma teh. Duanana kudu sarua dilakonan, teu meunang milih salasahijina wungkul,komo lamun ninggalkeun duanana. Elmu jeung amal bisa dijadikeun bekel pikeun ngalakonan kahirupan di dunya jeung di aherat engke.
Jadi anu alus mah, antara elmu reujeung amalna teh sajugjugan, henteu papalingpang. Jalma anu papalimpang antara elmu jeung amalan,sarua jeung henteu ngamalkeun elmuna. Elmu anu dipiboga, lamun henteu amalkeun mah sarua jeung tangkal anu teu buahan. Tangkal anu teu buahan mah teu aya mangfaatna. Tangkal nu teu mangpaat mah paling oge dituar, moal lila diantepkeun sina ngarunggunuk.
Tidak ada komentar:
Posting Komentar